Curaçao Talent & Showbizz Foundation
a wòrdu funda dia 18 di Yüli
2006 pa Segni Bernardina.
Segni Bernardina ta un Bailarin, Koriografo, Eskritor,
Aktor i produktor.
Durante di su hubentut el a haña hopi oportunidat pa desaroyá i ekspresá su talentonan.
El a konosé un kresementu enorme den e mundu artístiko danki na esnan ku a dun’é e oportunidat i tambe su propio interes pa krese. Prinsipalmente den e mundu di show.
Mirando e hubentut eksitoso i dushi ku e tabatin el a disidí di krea un plataforma kaminda hóbennan lo por wòrdu forma, guia i wòrdu produsí artístikamente.
Ku Curaçao Talent & Showbizz Foundation Segni Bernardina ke logra habri oportunidat pa otro hóbennan eksperensia e loke ku e a pasa aden i te asta superá esei.
Curaçao Talent & Showbizz Foundation tei pa duna un kontribushon na desaroyo di Talento pa hóbennan, dor di krea e fasilidatnan nesesario den e forma mas amplio di palabra.