“Kòrsou ta balia” un show di baile, historia i músika

WILLEMSTAD, --Kòrsou ta balia” ta un show ku ta konta historia di Kòrsou pero ku ekspreshon di baile.
E proyekto aki ta unu ku ta wòrdu dirigí pa dosente i koriografo di baile Dennis Puriel, Dennis ta tambe hurado i koriografo di e kompetensha di Curastars.

E produkshon aki lo bai trese dilanti e historia, baile i músika ku ta refleho di kultura di nos dushi isla Kòrsou. E show lo ta karga ku músika i baile. Un total di 40 bailarin i bailarina lo partisipá den e produkshon aki. Kòrsou ta un Isla den Karibe kaminda tur rasa i kultura a uni. Un isla ku su habitantenan ta sumamente talentoso i baile i músika ta algu ku tur mucha ta lanta kuné for di den barika di nan mama. E produkshon aki sigur lo bai prueba esei. Kòrsou ta balia ku hopi músika i baile. No pèrdè.