Kurso di baile kanto i aktuashon
Dia 28 di ougùstùs tin oportunidat pa inskribí na Curaçao Talent & Showbizz College
WILLEMSTAD, -- E siman aki ta último siman pa inskribí na Curaçao Talent & Showbizz College ya ku e kursonan nobo ta ranka Sali otro siman dia promé di sèptèmber. Durante di e siman aki tur hende ku ta interesá na sigui un kurso na Curaçao Talent & Showbizz College por inskribí nan mes. Durante di fin di siman ku a pasa un kantidat grandi di hóben a inskribí pa e kursonan di baile kanto i aktuashon. A sobra algun lugá mas i dia 28 di ougùstùs awor tin un oportunidat mas pa esnan ku pa motibu di áwaseru no por a yega La Tentashon wikènt ku a pasa. Djaweps awor di sink’or pa och’or lo bai tin oportunidat pa Mucha, hóben i adulto ku ke sigui kurso di aktuashon, baile i/òf kanto na Curaçao Talent & Showbizz College pa por inskribí.
Kanto baile i aktuashon pa hóben di 12- 30 aña
Djaweps awor di sink’or pa och’or lo bai tin oportunidat pa tur hóben entre 12-17 i 18 pa 30 aña partisipá na un workshop/oudishon pa asina haña oportunidat pa forma parti di diferente produkshon ku tin e aña aki. Produkshonnan teatral, sinematográfiko, disko kompakto, konsierto i mas. Den tres luna di tempu bo ta wòrdu di train i na final bo ta presentá den un di e produkshonnan ariba menshoná. Inskripshon ta kosta Naf. 25, -- i e ta inkluí un T-shirt di CTSC. E kurso ta kosta Naf. 200, --
Siña balia 15 estilo di baile
Den tres luna di tempu Curaçao Talent & Showbizz College su dosentenan di baile lo siña bo balia 15 estilo di baile. Baile Folklóriko: Wals, Dansa, Mazurka, Tumba, Tambú, Ka’i òrgel i Seú. Baile Latino: Merengue, Salsa, Montuno i Bachata. Baile Karibense: Zouk, Kompa, Ritmo Kombiná i Soka. Inskripshon ta kosta Naf.25, -- i ta inkluí un CD ku e ritmonan i tambe un buki ku informashon di e ritmonan. E kurso ta kosta Naf. 65, --pa luna.
Dance & Sweat
Balia i hasi ehersisio riba diferente ritmo 1 ora largu i tene bo kurpa den kondishon. Dance & Sweat ta yudabo baha di peso. Dance & Sweat ta bo pa relahá.
Inskripshon Naf. 10, -- i pa luna 50, -- pa un biaha pa siman 1 ora largu di balia non stòp sin stòp.
Kanto baile i/of aktuashon pa mucha di 6-11 aña
Djaweps awor di sink’or pa och’or lo bai tin oportunidat pa muchanan ku ke sigui kurso di aktuashon, baile i/òf kanto na Curaçao Talent & Showbizz College pa por inskribí i haña oportunidat pa forma parti di un tremendo produkshon ku tin e aña aki di mucha pa mucha. Un Produkshon teatral musikal. Den tres luna di tempu tur mucha lo wòrdu di train. Inskripshon ta kosta Naf. 25, -- i e ta inkluí un T-shirt di CTSC. E kurso ta kosta Naf. 150, --
Esakinan ta tur e kursonan ku por inskribí pe durante di e siman aki. Kursonan ta kuminsá dia promé di Sèptèmber 2008. Dia 28 di ougùstùs ta bo oportunidat pa inskribí di sink’or pa och’or na La Tentashon enfrente di Teatro Luna Blou na Matheywerf.
Si bo no alkansá i si sobra lugá bo tin te ku dia 31 di ougùstùs 2008 pa bo inskribí.
Kòrda reserva bo lugá pa bo no keda afó. Kòrda ku ta bo pago ta garantisá bo partisipashon. Pa mas informashon yama 462-2872 òf 698-8361 òf 520-2583.
Por mail nos na info@curacaoshowtalents.com òf bishita nos website na www.curacaoshowtalents.com ora di ofisina ta di 8or-12or i di 2or - 6or.