Curaçao Talent & Showbizz College ta bai kumpli un aña di eksistensia
WILLEMSTAD, -- Curaçao Talent & Showbizz College ta bai kumpli nan prome aña di eksistensia. Pa selebrá esaki nan a traha un programa konhuntamente ku teatro Luna Blou i La Tentashon ku nan lo bai presentá den e siman di kultura. Lo bai tin vários aktividat rondó di e akontesimentu aki den siman di kultura.
Edifisio nobo
Curaçao Talent & Showbizz College manera ta konosí ya pa hopi aña kaba ta traha den full kooperashon ku teatro Luna Blou i La Tentashon den kuadro di esei pa un mihó funshonamentu Curaçao Talent & Showbizz College ta bai muda i bai ubika nan mes na Emmastraat 22-24 ku ta den Kura di Teatro Luna Blou. Pues durante di siman di kultura lo bai tin apertura di e ofisina nobo di Curaçao Talent & Showbizz College.
Diferente show
Durante di siman di kultura lo bai tin diferente show den La Tentashon.
CTSC i La Tentashon a traha un programa masha atraktivo mes pa tur gustado di arte pa den e siman di kultura kuminsando for di dia 13 di sèptèmber te ku dia 20 di sèptèmber lo bai tin diferente show. Aki ta sigui un skema di e diferente shownan ku Curaçao Talent & Showbizz College i La Tentashon ta organisá den e siman di kultura.
Siman di Kultura
Skema di La Tentashon
Dia |
Aktividat |
Orario |
13 Sèptèmber |
Apertura Emmastraat |
19:00u |
|
Keintura di baile |
20:00u - 21:00u |
14 Sèptèmber |
Kompa Nanzi ta bai Broadway |
17:00u – 19:00u |
15 Sèptèmber |
Homenahe na Mosa Nena i Buchi Fil |
20:00u - 21:00u |
16 Sèptèmber |
E bataya di monólogo |
20:00u - 21:00u |
17 Sèptèmber |
Homenahe na nos kansionnan |
20:00u - 21:00u |
18 Sèptèmber |
Hudas |
20:00u - 21:00u |
19 Sèptèmber |
Kòrsou ta balia |
20:00u - 21:00u |
20 Sèptèmber |
Kòrsou ta balia |
20:00u - 21:00u |
Karchi pa e eventonan aki ta solamente Naf. 7,50 i ta optenibel for di dia 1 di sèptèmber na Teatro Luna Blou. Pa mas informashon yama 462-2872 òf 520-2583.
bai bèk |