Inskribí pa bo partisipá awor!
Show di Talento Luna Yen ta bek den La Tentashon!

WILLEMSTAD, -- Despues di un pousa di seis luna pa por a hasi algun kambio e show di Talento tan gusta pa nos hóbennan Luna Yen ta bek den un forma nobo.
E próksimo edishon di Luna Yen lo bai ta dia 13 di òktober den La Tentashon.
Luna Yen lo bai tin algun kambio den e forma di oudishon i tambe den forma di presente.

Oudishon
E oudishon di Luna Yen lo bai karga e nòmber “Showtime”. Pues ora bo tende Showtime bo sa ku esei ta e oudishon pa Luna Yen. Durante di “Showtime”, La Tentashon lo bai tin su podio habri kaminda tur hóben ku tin un talento i ke presentá nan talento lo por hasi esaki. Bo por presentá individual pero tambe den grupo. Lo bai tin un hurado ku lo bai skohe esnan ku ta klasifiká pa partisipá den e kompetensia di Luna Yen.

Luna Yen
E show di Luna Yen mes lo bai tin kambio den e forma di presentá lo bai tin hopi show, hopi lus, hopi músika tantu di DJ komo Live Music i tambe show riba Big Screen.
Tambe lo bai tin un artista invitá ku lo presentá i konta kon el a yega na su éksito.
E shownan di Luna Yen lo wòrdu graba i presentá na Televishon.
Luna Yen ta mantené MC Chris Strick komo e MC di kas. Pa loke ta trata e kategorianan ku hóbennan lo por partisipá  aden ta esnan kustumbrá ku ta baile, kanto, rep/deklamashon i Luna Yen lo bai tin su propio House Band tambe. Den un palabra un espektákulo kompletu. Otro kambio ku ta bai tin ta ku pa e temporada nobo aki Luna Yen ta amplia e kategorianan ku e siguiente disiplinanan ku ta  DJ, Expo, Moda, Video i Animashon, Muzik, Literatura, Teatro i show.
Pues hóben ata un bon oportunidat pa bo demonstrá bo talento.
Kompetí i bo tin chèns di gana un premio gordo di Naf. 300,-- i chèns pa presentá na Hulanda.  

Inskribí
Bo a pensa bo show ku bo ke presentá kaba. Bo a mirabo kaba riba esenario ku efekto di lus huma i zonido. Hopi públiko ta bati man i grita pa bo. Awèl inskribí awor mes pa bo hasi bo soño realidat.
Pa informashon òf pa inskribí yama telefon 462-2872 òf 520-2583, Fax: 462 - 9389, òf

bai bèk