Curaçao Talent & Showbizz Summerschool
Vakantie plan di baile, kanto i aktuashon pa hóben di 12 – 25 aña

WILLEMSTAD, --- Curaçao Talent & Showbizz Foundation i La Tentashon ta lansa un proyekto spesialmente pa hóbennan entre 12 pa 25 aña den fakansi. Durante di fakansi grandi tur hóben ku tin talentonan artístiko lo por sigui un kurso kòrtiku di teater den un siman(6 dia).
E kurso ta hiba di nòmber Curaçao Talent & Showbizz Summer school
E programa di e kurso ta bastante intensivo. Den 6 dia e hóbennan lo haña workshop di e disiplinanan di teatro, téknikanan i métodonan ku ta wòrdu usa pa hasi teater manera, baile, kanto, aktuashon, dekor, lus, sonido, make-up, garderobe, komunikashon, teamwork i merkadeo

E kurso ta sumamente práktiko i e diferente disiplinanan lo wòrdu guia dor di nos mes profeshonalnan yu di Kòrsou. Durante di 6 dia tur hóben ku partisipá ta bai eksperimentá un tiki ku tur e disiplinanan (Kanta, Balia , Aktua) ku ta wòrdu usa pa krea un obra teatral. E hóbennan ta haña un tópiko i den 5 dia nan mester krea un obra musikal kòrtiku ku tin baile, kanto i aktuashon den dje. E obra aki lo keda presentá riba e djasabra, ku ta e di 6 dia di e kurso pa públiko. Bou di guia nan mes ta bai krea tambe nan dekor, plan di sonido i lus, makiyahe pa stage i trahe.

Aparte di por krea un obra i pone riba pia e hóbennan mes mester bai merkadeá i promové nan obra, pa asina mas tantu hende posibel bin wak e presentashon. Pa e motibu ei nan ta haña tambe un workshop di komunikashon i merkadeo. Teamwork ta un parti integral di e kurso, ta p’esei mes e hóbennan ta haña un workshop kon pa traha den un team.

Pa por partisipá na “Curaçao Talent & Showbizz summerschool bo mester inskribí adelantá. ya ku e lugánan ta limitá. Preis pa partisipá: Naf. 100, --  si bo inskribí promé ku 1 di yüli. Despues e ta bira Naf. 125, --

E kantidat máksimo di hóben ku por partisipá pa siman ta 75.
Tin 3 siman ku bo por skohe pa bo por partisipá:
Dianan 7 pa 12 di yüli òf 14 pa 19 di yüli òf 21pa 26 di yüli.

Pa inskribí pasa na Roodeweg 153 – A pega ku pompstation Scheidelaar òf na teatro Luna Blou.
Pa mas informashon yama telefon: 462-2872,  Tel/Fax: 462-9389, bishita nos website www.curacaoshowtalents.com. e-mail: info@curacaoshowalents.com i despues di ora di ofisina por yama na telefon 670-4313 òf 677- 0407 òf 670 -0407

Tur djasabra di e siman di kurso, ta wòrdu klousura ku presentashon di e obranan ku a keda krea den e respektivo siman.
E shownan ta tuma lugá dianan: 12, 19 i 26 di Yüli
Ora: 19:00u
Lugá: La Tentashon